Шпанската полиција утрово го уапси поранешниот претседател на Барселона, Жозеп Марија Бартомеу, пренесуваат дел од медиумите од оваа земја.
Покрај Бартомеу во полиција утрово се приведени и двајца негови блиски соработници. Се работи за генералниот директор Оскар Грау и шефот на правниот тим на каталонскиот клуб, Роман Гомез Понти.
Полицијата продолжува со истрагата за скандалот познат како „Барсагејт“ во кој поранешниот претседател на Барселона и неговите соработници се обвинети дека ангажирале маркетинг агенција, која преку голем број профили на социјалните мрежи јавно ги критикуваа сите неистомисленици на Бартомеу, меѓу кои и првите ѕвезди на клубот, Лионел Меси и Жерар Пике.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА