Ракометната кадетска репрезентација на Македонија, доживеа убедлив пораз на првиот меч на „Трофејот Карпати“. На отворањето, селекцијата предовдена од Наум Танески доживеа пораз од Египет со 21-35.
После старниот „егал“ од двете селекции, од 3-4, противникот направи серија од 5-0, и брзо дојде до 3-9. Работите не се променија ниту по тајм-аутот на Танески, па така Египет само ја зголемуваше предноста за на полувреме да има водство од 12 разлика (10-22).
Нешто подобра реализација на нашата селекција на стартот од вториот дел. Серија од 6-2, за намалување на разликата, што беше аларм за тајм-аут на Египет. Меѓутоа никако Македонија не најде решение за сериите на Египќаните. После 16-24, дојдоа до низа од неверојатни 9-0, за 16-33, и згаснување на и онака малите надежи за нашите кадети дека може да дојдат до чудо. Македонија цели 12 минути беше без постигнат гол во оваа фаза.
На крајот и мало опуштање во редовите на Египет, за Македонија да намали дел од разликата и да избегне поголема катастрофа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
