Германија ја доби довербата на УЕФА за организација на Европското првенство во фудбал во 2024 година, беше соопштено попладнево во европската куќа на фудбалот.
Во големото финале Германците за противник ја имаа Турција, за првиот човек на УЕФА, Александар Чеферин, свечено да објави дека повеќекратниот европски првак ќе биде домаќин на шампионатот што ќе се одржи за шест години.
Само за потсетување, наредното Европско Првенство во 2020 година ќе се одржи во 12 различни градови, идеја на поранешниот претседател на УЕФА, Мишел Платини за која Чеферин јасно стави до знаење дека не се согласува и дека во иднина ќе се врати на „класичната“ организација на големите натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
