Со само еден твит на својот официјален профил, УЕФА успеа да ги збесне „душманите“ на Реал Мадрид.
По мечот меѓу Јувентус и Реал Мадрид во кој гостите славеа со 0-3, УЕФА на официјалниот Твитер профил постави тимска фотографија на „кралевите“ со прашање: „Победниците на Лигата на шампионите 2018 година?“.
The 2018 #UCL winners? ? pic.twitter.com/ShMJmQTjfK
— UEFA Champions League (@ChampionsLeague) April 3, 2018
Сето тоа ги зовре страстите меѓу навивачите на останатите клубови кои сметаат дека сето тоа е непочитување на останатите екипи од страна на Европската куќа на фудбалот.
Реал сезонава брка трета едноподруго титула во Европа, во желбата и да биде прв тим на кого му успеало тоа по Баерн Минхен на кого тоа му појде од рака кон средината на седумдесеттите години од минатиот век. Претходно три едноподруго европски клупски шампионски трофеи освоил и холандски Ајакс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
