Умит Каран повторно се враќа на клупата на чаирскиот прволигаш Шкупи, одлучи раководството на клубот. Каран утре се очекува официјално да биде промовиран како старо-нов тренер на чаирчани.
Турчинот пред една година се повлече од клупата на Шкупи, а сега се враќа на местото на Муарем Бајрами кој неочекувано доби отказ по поразот од Струга ТЛ.
Навивачите и дел од раководството на Шкупи се незадоволни од смената на Бајрами кој го остава тимот на втората позиција на табелата со сериозни амбиции за битка и за шампионската титула.
„Чаир не е Истанбул“ – претходно порачаа најверните навивачи на Шкупи, револтирани од смената на Бајрами.
Но, одлуката на сопственикот на клубот е дефинитивна за смена на Бајрами и враќање на Умит Каран.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА