Ракометарите на актуелниот шампион со убедлива победа ја отворија новата сезона во Суперлигата во која ја бранат двојната круна. Вардарци во салата „Јане Сандански“ со 31:19 го совладаа вториот тим на Еурофарм Пелистер.
Резултатската неизвесност беше присутна само во воведните минути, по што следеше серија на Вардар од 4:0 за водство од 8:4 и до крајот на првиот дел предноста само се зголемуваше.
На полувреме се замина со 18:9 за шампионот, по што второто полувреме претставуваше формалност и единствена неизвесност беше само со колкава разлика ќе слават вардарци. На крајот славеше со 31:19 за убедлив старт на одбрана на титулата.
Тренерот Чупиќ им даде шанса на сите ракометари кои ги пријави за овој меч, најпрецизен беше Фадуил со шест гола, по пет дадоа Тузолана и Митровиќ, додека на спротивната страна најдобар беше Симоновски со четири постигнати голови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
