Вардар јуниор стигна и до четвртата своја победа во шампионатот од Првата македонска ракометна лига славејќи во дерби пресметката на дното против Металург 2 со 33-25 (18-15).
Во дуелот на двете екипи кои се при дното на табелата, единствено пред Работнички, „вардарци“ благодарение на поквалитетно одиграното второ полувреме стигнаа до победата.
Металург 2 имаше водство во поголемиот дел од првото полувреме, имаше и предност од 9-13, но сепак на одмор замина со негатива од три гола (15-18).
На почетокот од вториот дел Вардар брзо се одлепи со серија од 4-0, по што веќе беше јасно кој ќе ја однесе победата. По овој триумф „вардарци“ со 14 бода и натаму се на претпоследната позиција, веднаш зад Металург 2 кој има 18 бода. На последното место е Работнички без бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
