Вардар на колена: Шкендија со „петарда“ за составот на Васоски… (ВИДЕО)

  • Екипа
  • 17.10.2020 / 16:20
  • СПОДЕЛИ:

Шкендија сосема очекувано со убедливи 1-5 (1-2) славеше против крпениот сезонава Вардар во дербито на 9. коло од Првата македонска фудбалска лига. Избраниците на Александар Васоски поведоа на натпреварот, но тоа само ги налути фаворизираните гости кои потоа максимално реализирајќи стигнаа до убедлив триумф.

„Вардарци“ поведоа со голот на Јован Попзлатанов уште во 11. минута… По прекрасна акција како од учебник Попзлатанов убаво реализираше од 12 метри…

Но, потоа Шкендија успеа да дојде до комплетен пресврт уште во првите 45 минути. Најпрво во 15. минута прекрасен деби-гол во дресот на тетовци постигна Флорент Рамадани…

Во 40. минута извонредна акција на Љупче Дориев и Бесарт Ибраими која одлично ја круниса Валон Ахмеди…

Во второто полувреме, иако Вардар почна поагресивно со неколку шанси на Мицевски и Велковски низ првите десеттина минути, сепак во продолжението Шкендија максимално со контрола на играта па во 61. минута Бесарт Ибраими по мешаницата пред голот на домашните зголеми на 1-3. Во 80. минута Ибраими прекрасно го проигра Тотре кој откосо од левата страна мајсторски шутираше ниско по земја за 1-4. Во 86. минута Попзлатано во шеснасетникот стартуваше врз Ахмеди за оправдано досуден пенал, па самиот Валон Ахмеди со прецизен удар од белата точка ги постави конечните 1-5.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...