„Вардарци“, по 18 години чекање, дојдоа и до седмиот свој трофеј во историјата во Купот. Во 32-то финале од Купот на Македонија, Вардар дојде до седмата титула, од кои шести во независна Македонија дополнети и со оној од 1961 година во Купот на поранешна Југославија.
„Црвено-црните“ сега ја зголемија бројката титули пред Работнички кој има четири титули во Купот на Македонија, а понатаму следат Слога Југомагнат, Силекс и Македонија ЃП со по три освоени титули.
Вардар вечерва на арената „Тодор Проески“ во Скопје славеше со 2-0 против Струга ТЛ, па избраниците на Гоце Седлоски сосема заслужено го добија пехарот од претседателот на Фудбалската федерација на Македонија, Масар Омерагиќ.
Денешната победа во финалето на Купот, значи и настап за „вардарци“ ова лето во квалификациите за Конференциската лига на УЕФА.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
