Македонскиот ракометен шампион РК Вардар 1961 официјално се враќа во најелитното европско друштво по пауза од четири години. По добивањето на специјалната „вајлд-карта“ од страна на Европската ракометна федерација (ЕХФ), денеска беа објавени и официјалните шешири пред утрешната ждрепка, каде двократниот европски првак се најде во последниот, четврти квалитативен шешир.
Новата сезона во Лигата на шампионите со себе носи и радикални промени во системот на натпреварување. Наместо досегашниот формат, бројот на учесници се проширува на 24 екипи, кои во групната фаза ќе бидат поделени во шест групи со по четири тима.
Со тоа што се наоѓа во четвртиот шешир, Вардар во групната фаза сигурно ќе ги избегне екипите на Целје, Криенс-Луцерн, Кристијанштад, Архус и Партизан. Сепак, како потенцијални противници на „црвено-црните“ од првиот шешир доаѓаат европските гиганти како Барселона, Магдебург, Веспрем, Алборг, Нант и Спортинг Лисабон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
