Вардар го заврши настапот на Европскиот турнир во Стразбур на последното место, откако во последниот натпревар за пласман беше поразен од Нант со Кире Лазаров во составот, со 27-29. Во првите два натпревари на реномираниот турнир во Франција, вардарци на стартот одиграа нерешено со ПСЖ (33-33), а потоа беа убедливо поразени од Мешков Брест (22-32). На првиот натпревар во Стразбур, Вардар остана и без капитенот Стојанче Стоилов кој ја повреди дланката и два месеци ќе паузира.
Во дуелот со Нант за 5.место, „црвено-црните“ одиграа променливо во првите 30 минути, а така продолжија и во вториот дел и не успеаја да Нант имаше почетно водство од 2-0. Вардарци брзо фатија ритам и поведоа со 8-4 по ефикасната серија на десниот бек Даинис Криштопанс кој постигна три од осумте гола на Вардар во првите 12 минути од натпреварот.
Офанзивата на „црвено-црните“ го принуди тренерот на Нант, Тиери Анти да го искроисти првиот тајм-аут и тоа му донесе резултат. Нант постигна четири гола во серија и изедначи на 8-8. Тогаш со тајм-аут реагираше и Роберто Парондо и успеа да го врати Вардар во игра и воп водство со 12-9, а малку подоцна и со 14-11. Но, потоа повторно падна концентрацијата и играта на „црвено-црните“, а Нант ја искористи шансата и дојде до ново изнедначување на 14-14. Во финишот на првото полувреме, вардарци успеаја да постигнат гол и на одмор заминаа со минимална предност од 15-14.
Двете вразни одбрани на Арно Сифер на стартот од второто полувреме внесоа дополнителна сигурност во играта на Нант и шанса за ново изедначување(15-15). Во 36.минута Вардар доби исклучување, а Нант го презеде водството со 16-17.
Во наредните минути се играше гол за гол. Нант имаше минимална преднсот, а Вардар изедначуваше. Двете екипи во егал (21-21) влегоа и во последната четвртина. Францускиот тим дојде на +3 во 52.минута поведувајќи со 22-25. Вардарци намалија на 24-25 , а на две минути до крај стигнаа и до ново изедначување на 26-26. Во последната минута, Едуардо Гурбиндо доби исклучување, но Сифер одбрани седмерец, а вардарци ја пропуштија шансата да дојдат во водство. Тиери Анти побара тајм-аут пред последниот напад, а Нант потоа го постигна два гола и ја завери првата победа на турнирот со конечните 29-27.
Даинис Криштопанс и Сергеј Горбок постигнаа по пет гола, Иван Чупиќ и Тимур Дибиров додадоа по четири, а Дејан Милосављев го заврши мечот со девет одбрани на голот на Вардар.
Во натпреварот за 3.место денеска ќе играат Мешков Брест и Веспрем, а во финалето за пехарот ќе се борат Монплеје и ПСЖ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
