Вардарци во првото пролетно коло го преслушаа Шкупи со 3-0, а во пресрет на големото дерби со Шкендија одиграа партија на ‘мали голчиња’ со учениците од средното училиште „Васил Антевски – Дрен“ во Скопје. Којашевиќ, Блажевски, Алексовски, Николов, Димков, Стојчевски и Петковски имаа убава дружба со учениците од ова училиште кои на крајот добија автограми од „црвено-црните“.
„Имавме убава можност да се дружиме со средношколците и ги покануваме да дојдат на некој од следните натпревари да ни дадат поддршка од трибините. Ова е добра можност одблиску да се запознаеме со нив, и се надеваме дека во иднина ќе има уште дружења од ваков карактер. Ова училиште покажа колку го сака Вардар“, истакнуваат „вардарци“ за официјалниот сајт на клубот.
Фото: www.fkvardar.mk
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
