Освојувачот на Купот на Македонија, Силекс утре брка пласман во следната фаза од Лигата на конференции на стадионот на ФФМ.
Кратовци утре од 20 часот ја пречекуваат екипата на Динамо Минск во реванш натпреварот од првото квалификациско коло. Македонскиот претставник влегува во овој дуел со одлична предност од 1-0, обезбедена на првиот меч во Стара Загора минатиот четврток.
Тренерот на Силекс, Александар Васоски на официјалната прес-конференција го најави утрешниот меч.
„Знаеме добро што не очекува. Имаме против себе незгоден ривал, но на првиот меч покажавме дека знаеме да играме на резултат. Ова е историска шанса на генерацијата. Ќе направиме се што е во наша можност да не загубиме. Погубно би било да се повлечеме од првата минута, а доколку сме во можност ќе се обидеме да постигнеме и гол. Противникот е во подобар ритам од нас. Одиграа 15 меча во првенството и се лидери на табелата. Ние немаме таков ритам, но секако веруваме дека може да се пласираме во следното коло”, рече Васоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
