Македонија не беше единствената репрезентација која вечерва прими седум голови во финишот од квалификациите за пласман на Светското првенство. Седум голови примија и селекциите на Сан Марино од Романија, и на Лихтенштајн од Белгија.
Белгијците во голем стил во Лиеж заверија пласман на Мундијалот од нашата група. Ванакен, па два гола на Доку, потоа Мекеле, Салемакерс и на крајот два гола на Де Кетеларе ја донесоа оваа убедлива победа на Белгија, која со 18 бодови и три ремија (од кои два со Македонија) ја однесе директно на Светско ппрвенство.
Романија иако губеше 0-1 од Сан Марино, на крајот успеа да постигне седум голови. Како што е познато, седум голови постигна и Велс против Македонија во триумфот од 7-1.
Шпанија со реми 2-2 против Турција стави заверка на учеството на Светското првенство. Косово и Швајцарија одиграа 1-1, со што Швајцарците одат директно на Светско првенство, додека Косово ќе игра бараж. Грција не успеа да ја победи Белорусија, и играше без голови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
