Младата репрезентација на Македонија за играчи до 18 години одигра одличен натпревар на турнирот „Четири нации“ во Рига, славејќи со убедливи 1-3 против домаќинот Летонија.
Сите три погодоци на избраниците на Вујадин Станојковиќ беа во првото полувреме, а исклучително расположен за игра беше Дарко Чурлинов кој на извонреден начин, откако во слалом нанижа тројца противнички дефанзивци, асистираше за првиот погодок во 24. минута… Изнуди Чурлинов потоа и пенал во 39. минута кој успешно го реализираше Димитар Митровски, а надмоќното полувреме го заокружи и Никола Богдановски со погодок.
Во вториот дел, домашните во 75. минута успеаја само да го ублажат поразот.
Македонија, по вчерашното реми со Украина (1-1) утре против Норвешка ќе игра за освојување на првото место на турнирот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
