Фудбалерите на Вилјареал вечерва ќе го пречекаат Ливерпул во реванш натпреварот од полуфиналниот двомеч во Лигата на шампионите. „Црвените“ од „Енфилд“ имаат предност од (2-0) од првиот натпревар одигран минатата среда во Англија.
По елиминацијата на Јувентус и Баерн Минхен, Вилјареал се соочува со најголемиот предизвик сезонава бидејќи првпат на реваншот ќе брка негатива. Тренерот на „жолтата подморница“, Унаи Емери се надева дека ќе може да смета на услугите на Жерар Морено кој поради повреда го пропушти првиот натпревар.
Од друга страна кај Јирген Клоп минатиот викенд против Њукасл во Премиер-лигата, Мохамед Салах одигра само 25 минути, што значи дека ќе биде одморен за вечерашниот реванш.
Натпреварот кој ќе се игра на „Ел мадригал“ е закажан за 21 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
