Тешко денови минува Челси кои се очекува конечно да завршат откако конечно ќе се добие новиот сопственик пред почетокот на летниот преоден рок.
Но, уште сега е јасно дека „сините“ ги очекуваат големи промени. Во Челси се изненадени што поголемиот дел од првотимците размислуваат за заминување од клубот, и покрај тоа што веќе има првичен договор со моќен американски милијардер кој ќе го преземе клубот.
Прв кој го најави своето заминување е Антонио Рудигер, кој сосема сигурно потпишува за Реал Мадрид. Но, јасно е дека Рудигер нема да биде единствениот кој заминува.
Ситуацијата во Челси будно ја следи Барселона која веќе е во разговори за доведување тројца фудбалери. Веќе е познато дека Барселона се се договори со Андреас Кристенсен кој доаѓа како слободен игра, а по него доаѓаат и Цезар Аспиликуета на кого исто така му завршува договорот, а желбата на Барса е и Маркос Алонсо кој би бил одлично решение на левата бековска позиција.
Во секој случај, главниот фокус на Челси во моментов е да се заокружи процесот на купување на клубот, по што ќе следи акцијата за задржување на поголемиот дел од првотимците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА