Кикбокс Маитаи федерацијата на Македонија во полн состав, со вкупно 14 клубови, викендов учествува на меѓународниот кикбокс натпревар „Трофеј на Белград“ во Србија.
И покрај корона-пандемијата која го тресе светот, и покрај тоа што кикбоксот како индивидуален спорт заедно со останатите слични спортови селективно е обесправен и има забрана за тренинг и натпревари во нашата земја, КМФМ со тим од вкупно 90 натпреварувачи и тренери од сите клубови ќе учествува на првенството во Белград.
„Со ова селективно затворање на нашите сали и забрана за тренинг и организација на натпревари, покрај тоа што сме дискриминирани, истовремено се оштетени кикбокс натпреварувачите, тренерите, клубовите, федерацијата и секако нашата држава. Се соочуваме со ризик од повреди и лош пласман на престојните меѓународни, европски и светски првенства кои се од голема важност и за кикбоксот и за македонскиот спорт во целина. Сепак веруваме во добри борби во Белград, и најважно од се да немаме повреди кај натпреварувачите“ – вели претседателот и селектор на Кикбокс Маитаи федерацијата на Македонија, Дејан Митровски – Урко.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
