Дилијан Вајт победи во синоќешната борба во Лондон против Дерек Чисора со брутален нокаут во 11-та рунда и ги одбрани титулите во ВБЦ и во ВБО верзиите за светски шампион.
И двајцата боксери пред две години пружија вистински спектакл во Манчестер, а победата тогаш ја однесе Вајт со поделена судиска одлука. Синоќа повторно имаше феноменален меч на кој Вајт сосема заслужено славеше.
Чисора тргна во отворен напад уште од првата рунда, постојано жестоко напаѓаше со удари во тело за разлика од Вајт кој имаше одлични контра-напади со кои често го погодуваше големиот ривал. Десет рунди беше тоа вистинска „војна во рингот“ со се пожестоки удари од рунда во рунда и максимална израмнетост во која ниту еден не се издвојуваше.
Сето тоа следеше до 11-та рунда кога Вајт испрати извонреден директен удар и брутално го нокаутираше својот противник…
| #WhyteChisora2 |
Terrible KO por parte de Dillian #Whyte a Dereck #Chisora en el round 11. pic.twitter.com/ZjxuNyfIO3— Round 2 (@Round2Box) December 22, 2018
Вајт така стигна до својата 25-та победа, наспроти само еден пораз, па веројатно негов нов предизвикувач ќе биде Ентони Џошуа. За Чисора, пак, ова беше деветти пораз со 28 победи во кариерата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
