Хјустон со голем пресврт во последната четвртина славеше на домашен терен против Сан Антонио со 111-105, со нова феноменална партија на Џејмс Харден.
Харден постигна повеќе од половина поени на Хјустон завршувајќи со неверојатни 61 поен, седум скока и три украдени топки. Одигра за историја. Не само што го израмни својот најдобар поентерски ефект во кариерата – 61 поен, туку стана и само четврти кошаркар во историјата на НБА со повеќе од еден меч од најмалку 60 поени. Останатите тројца се НБА легендите, Вилт Чемберлен, Коби Брајант и Мајкл Џордан. Претходно во сезоната Харден веќе постигна 61 поен на гостувањето против Њујорк никс.
Tying his career-high & @HoustonRockets franchise record 61 PTS… @JHarden13 joins Wilt Chamberlain, Kobe Bryant and Michael Jordan as the only four players in @NBAHistory to record multiple 60-point games in a single season. #SAPStatLineOfTheNight pic.twitter.com/22nAwIZXFV
— NBA.com/Stats (@nbastats) March 23, 2019
Синоќа Харден постигна и девет тројки па на тој начин се најде во друштво на најдобрите тројкаши во историјата. Сега има 1979 погодени шута за три поени во кариерата што го става на десеттото место меѓу најдобрите тројкаши.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА