Борец Велес и Кит Го од Пехчево ја продолжуваат битката за врвот во Втората лига Исток по победите и во 7. коло од шампионатот.
Велешани пред својата публика славеа со 1-0 против Вардар Неготино со голот на Роберт Коцев во 67. минута од средбата.
Кит Го, пак, славеше со 0-2 на гостувањето против Партизан Обршани. Иван Настевски погоди во 4. минута, а Никола Тонев заокружи на 0-2 во 77. минута.
Вистински шок доживеа Брегалница која загуби со 2-0 на гостувањето против фенерџијата Детонит јуниор во Радовиш. Головите за домашните ги постигнаа Таранинов и Трајчевски во 80. и во 82. минута.
РЕЗУЛТАТИ – 7. КОЛО
Детонит јуниор – Брегалница 2-0
Борец – Вардар Неготино 1-0
Партизан Обршани – Кит Го 0-2
Кожуф – Плачковица 3-1
Каменица Саса – Тиквеш 1-3
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
