Македонија ЃП го зачува врвот на табелата во Втората македонска фудбалска лига на две кола пред крајот на сезоната со гостинскиот триумф против Вардар Неготино од 0-1.
Арсими, пак, ена второто место по победата од 2-4 на гостувањето против Борец, а и Башкими ја продолжува битката за Прва лига по победата на гостувањето против Кожуф во Гевгелија од 1-2, благодарение на голот во последните секунди од средбата и тоа низ крајно сомнителна ситуација во која домашните фудбалери буквално застанаа на терен за гостите да дојдат до победнички гол.
Брегалница триумфираше со 1-0 против Беласица благодарение на голот на Стефан Бабунски уште во 5. минута од натпреварот.
Во битката за опстанок, Осогово со 2-0 славеше против Новаци, па се уште останува со шанси за директен опстанок во второлигашката конкуренција со оглед на поразот на Вардар Неготино пред своите навивачи.
ВТОРА ЛИГА – 28. КОЛО
Борец – Арсими 2-4
Брегалница – Беласица 1-0
Детонит Плачковица – Охрид 3-2
Скопје – Победа 0-0
Кожуф – Башкими 1-2
Осогово – Новаци 2-0
Вардар Неготино – Македонија ЃП 0-1
Вардарски – Каменица Саса 1-4
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
