Поранешниот фудбалер на Манчестер Сити, Пабло Забалета, му порача на својот сонародник Лионел Меси да замине во Англија.
Меси веќе подолго време се поврзува со Сити и поранешниот тренер Пеп Гвардиола, а англискиот клуб се смета за најголем фаворит за ангажирање на ѕвездата на Барселона на крајот од сезоната, доколку реши да ја напушти Каталонија по истекот на договорот. Пабло Забалета, поранешен играч на Манчестер Сити и поранешен соиграч на Меси во репрезентацијата на Аргентина, даде свое мислење во интервју за „Сандеј Мирор Спорт“.
„Ако Лионел Меси одлучи да ја напушти Барселона и сака да игра во најдобрата лига, тогаш тој мора да ја доживее Премиерлигата за себе. Тоа ќе го интересира, бидејќи сите играчи што ги познавам секогаш ме прашуваат каква е Премиерлигата. Лео е во Ла Лига со години и мислам дека за него ќе биде голема привлечност да игра англиски фудбал, а Манчестер Сити е тим што нуди совршени услови. Тој многу добро го познава Пеп, го познава спортскиот директор Тксики Бегиристаин и извршниот директор Феран Соријан, но и Серхио Агуеро. Ако веќе планира да ја напушти Барселона, би било добро да замине во Манчестер бидејќи таму има многу луѓе што ги познава, а ќе има уште една можност да покаже дека е најдобар”, вели Забалета.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
