ЖДРЕБ РОЛАН ГАРОС: Ѓоковиќ и Алкараз не можат да се сретнат во финалето

Новак Ѓоковиќ и Карлос Алкараз нема да се сретнат во финалето на годинашниот Ролан Гарос, откако денешната ждрепка одлучи тие двајца да играат во полуфиналето.

Поради слабиот резултат во Рим, Новак Ѓоковиќ падна на третата позиција на АТП листата, што значеше дека тој и Алкараз ќе се избегнат на денешната ждрепка. Од страната на Ѓоковиќ и Алкараз се наоѓаат уште и Стефанос Циципас кој би требало во четвртфиналето да игра против Шпанецот, додека Србинот во четвртфиналето е проектирано да игра против Андреј Рубљов.

Данил Медведев е прв фаворит во долниот дел од ждрепката, додека тука се наоѓаат уште и минатогодишниот финалист Каспер Руд, како и Холгер Руне.

Алкараз турнирот ќе го стартува против квалификант, Ѓоковиќ ќе игра со Александар Ковачевиќ од САД.

Се вчитува...