Женскиот ракометен шампион на Македонија, Ѓорче Петров стигна до голем триумф на гостувањето во Белгија кај Јупен со 39-46 во првиот натпревар од двомечот од шеснаесеттина финалето во ЕХФ купот.
„Лавиците“ одиграа неверојатен натпревар, посебно во фазата на напад откако во првото полувреме успеаја да постигнат дури дваесет и три погодоци и на пауза да заминат со позитва од 19-23. Во вториот дел успеаја да го исконтролираат резултатот и да стигнат до конечен триумф од 39-46. Ана Марија Коларовска со десет гола и Анастасија Николовска со девет беа најдобри поединци во таборот на македонскиот шампион.
Реванш натпреварот кој ќе се игра во Скопје е закажан за следната недела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
