Ракометарките на ЖРК Ѓорче Петров се победнички во овогодинашниот Куп на Македонија, откако во финалето ја совладаа екипата на ЖРК Чаир со 36-24 (19-14).
Освен на стартот на мечот кога се играше во „егал“, избраничките на Симе Симовски потоа го презедоа водството, и рутински го одработија натпреварот. Најефикасна беше Анастасија Николоска која постигна седум голови, а Ризоска беше стрелец на шест. Кај Чаир Диневска постигна седум гола во финалето.
МВП признанието во Купот го презеде Марија Јанкуловска од ЖРК Ѓорче Петров, а наградата најдобар стрелец за Ленора Рахмани од ЖРК Чаир. Најдобра голманка беше Магдалена Којовиќ од ЖРК Чаир.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
