ЖРК Куманово продолжува да „гази“ во женската ракометна лига на Македонија. На „менито“ на кумановки овој пат се најде Деспина која беше декласирана со 43-14. Најефикасна во победничкиот табор беше Мила Трајковиќ со 9 гола, додека 7 постигна Александра Боризовска. Кај поразените Мери Конеска натпреварот го заврши со пет гола.
ЖРК Чаир потешко од очекуваното стигна до триумф над Спартак од минимални 31-30. Иако во финишот домашната екипа имаше предност и од три гола 31-28, стигна до опуштање па мечот го добија со само еден гол разлика. По девет гола постигнаа Марија Николовска и Леонора Рахмани кај победничките, додека во Спартак се истакна Ангела Гроздановска со 10 гола.
РЕЗУЛТАТИ СУПЕРЛИГА ЖЕНИ
ЖРК Куманово – Деспина 43-14
Шампион – Стружанка 24-27
ЖРК Чаир – Спартак 31-30
Овче Поле – Гевгелија 19-24
Кузман Вардар – Ѓорче Петров 21-26
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
