Карим Бензема, херојот на Реал Мадрид кој го предводеше својот тим до трофеите во Ла Лига и Лигата на Шампионите е фаворит број еден за освојување на Златната топка. Зад Французинот е неверојатна сезона проследена со 50 постигнати голови за Реал Мадрид и француската репрезентација, а тоа беше повод да добие пофалби и од Лео Меси.
Аргентинецот неодамна изјави дека за него нема друг кандидат за освојувач на престижната награда, а сега Бензема на пофалбата одговори дека истата му носи и дополнителна мотивација.
„Зборовите на Меси ме мотивираат да работам уште повеќе. Среќен сум што овие пофалби доаѓаат од играч каков што е Меси“, изјави Бензема.
Карим Бензема долго време беше во сенката на Кристијано Роналдо, но оваа сезона докажа дека може да биде вистински лидер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
