Актуелниот селектор на Македонија, Драган Бајиќ, не доби виза за влез во Косово, од каде требаше да лета со остатокот на нашиот национален тим преку Истанбул до Тбилиси, Грузија.
Српските медиуми кренаа прав околу овој случај, за во меѓувреме да биде обелоденето и зошто кошаркарскиот стручњак не можел да влезе во Косово. Според добиените информации, станува збор за грешка на косовските власти, кои по грешка го замениле кошаркарскиот тренер Драган Бајиќ со повеќекратниот убиец од Србија, со истото име и презиме како и нашиот селектор.
Имено, криминалецот Драган Бајиќ e обвинет за бројни грабежи и убиство на пет луѓе во Будимпешта, потоа побегнал од државата и утврдени му се 16 лажни имиња што ги користел во изминатите години.
На крајот, Бајиќ поради коронавирус воопшто не патуваше со остатокот од македонската експедиција за Грузија, каде националниот тим ќе биде предводен од Алек Јончевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
