Федерер си закажа полуфинале со Дел Потро - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/10/2017 22:47
Ракомет
23/10/2017 17:02
Коментари
23/10/2017 13:15
Останато
22/10/2017 20:35

Федерер си закажа полуфинале со Дел Потро

Федерер си закажа полуфинале со Дел Потро

Роџер Федерер ја оправда фаворитската улога на дуелот со Ришар Гаске, тримфирајќи со максимални 2-0 во сетови во четвртфиналето од Мастерс-турнирот во Шангај. Иако францускиот тенисер се покажа во добро светло, сепак Гаске немаше сили за изненадување откако Федерер покажа класа во клучните моменти од мечот, најпрвин во финишот од првиот сет (7-5), за потоа и во вториот дел да направи брејк и да стигне до заслужена победа.

Следен противник на Швајцарецот ќе биде Хуан Мартин дел Потро, кој денеска го совлада Виктор Троицки со 2-1 во сетови. Охрабрен по победите над Тием и над Иснер во претходните два дена, Троицки одлично го почна и денешниот дуел, поведе со 0-1, но потоа Дел Потро влезе во ритам, ги доби следните два сета со 6-1, 6-4 за место меѓу најдобрите четири тенисери на овој мастерс-турнир.

Само за потсетување, во првото полуфинале во Шангај силите ќе ги одмерат Рафаел Надал и Марин Чилиќ.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.