Сосема очекувано екипата на Фени Индустри стигна до лесна победа во 13. коло од Првата македонска кошаркарска лига, славејќи со убедливи 97-69 против Струмица.
Од самиот почеток кавадарчани создадоа предност која рутински ја одржуваа и дополнително зголемуваа до крајот на натпреварот.
Пет домашни кошаркари мечот го завршија со двоцифрен ефект, од кои со „дабл-дабл“ финишираше Џекиќ со 14 поени и 10 скока. 21 поен постигна Николовски, 17 поени запиша Петровски, 14 поени – Стајиќ, кој имаше и шест асистенции и пет скока, а со 10 поени заврши Магдевски. Во поразениот тим најдобар беше Јокиќ со 34 поени.
По оваа победа Фени се израмни на врвот од табелата со Работнички со 11 победи и само два порази. Струмица остана на петтото место со пет победи, и сега веќе осум порази.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
