Работнички по Сан Марино оди во Белорусија, Хелсинки ја чека Шкендија? - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
11/12/2017 12:49
Ракомет
11/12/2017 11:00
Меѓ. Фудбал
10/12/2017 19:26
Кошарка
10/12/2017 19:35

Работнички по Сан Марино оди во Белорусија, Хелсинки ја чека Шкендија?

Работнички по Сан Марино оди во Белорусија, Хелсинки ја чека Шкендија?

Денешната ждрепка во Швајцарија му беше наклонета на тимот на Работнички, кој за противник во првото квалификациско коло од Лигата на Европа ќе се сретне со Тре Пене од Сан Марино. „Романтичарите“ ќе имаат солиден ривал и доколку се пласираат во втората рунда, бидејќи таму ќе ги очекува подобриот од двомечот меѓу Динамо Минск и Рунавик. Белорускиот претставник е голем фаворит во пресметката со екипата од Фарските Острови, но јасно е дека во ситуација кога можеше да налета на многу посилни противници, раководстовото на Работнички е задоволно што битка за следното квалификациско коло ќе води против Динамо (или во случај на сензација против Рунавик).

Шкендија во случај на триумф во двомечот против Дачиа во следната рунда најверојатно ќе се сретне со финскиот состав Хелсинки. Екс-шампионот на Финска важи за голем фаворит во својот двомеч од првата рунда од квалификациите, во кои Хелсинки ќе се сретне со Конан квеј номадс од Велс.

Пелистер ќе ја има најтешката задача во првото коло, со оглед на двомечот со полскиот Лех, но во случај на изненадување битолчани би имале полесен ривал во втората рунда, каде ќе се сретнат со подобриот од мечот Хаугесунд (Норвешка) – Колерен (Северна Ирска).

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.