„Соколите“ повторно приземјени во Унгарија - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

„Соколите“ повторно приземјени во Унгарија

„Соколите“ повторно приземјени во Унгарија

Карпош соколи го претрпе и третиот пораз во низа во рамките од Еврокупот на ФИБА, откако македонскиот првак не успеа да ја освои Унгарија ниту на второто гостување во оваа земја. По почетниот неуспех против Шолнок, „соколите“ вечерва беа поразени и од екипата на Фалко Вулкано со убедливи 108-87.

Во ситуација кога во текот на вчерашниот ден останаа без тренер по оставката на Борче Даскаловски, а во тимот го немаа ниту Дарко Соколов, „соколите“ немаа сили да му се спротивстават на расположениот противник, пред се поради очајната игра во дефанзива. Противникот постигна 31 поен во првиот период, но Карпош соколи исто така одигра добро во нападот, па пред се благодарение на Лабовиќ (12 поени за десет минути) не дозволи домаќините да се одлепат и стартната четвртина заврши со резултат 31-27. Сепак, Фалко продолжи во ист ритам и во втората четвртина, македонскиот вицепрвак почна да ги промашува своите шутеви, па на одмор се замина со двоцифрена предност за унгарскиот претставник 64-49.

„Соколите“ во второто полувреме во неколку наврати успеваа да ја преполоват таа разлика, но немаа сили за целосен пресврт, па со падот на концентрација во самиот финиш претрпеа уште еден пораз изразен со над 20 поени разлика.

Браун постигна 23, Мекфејден беше стрелец на 18, а Лабовиќ на 17 поени за македонскиот претставник, кој се соочува со сериозна финансиска криза на самиот старт од оваа сезона.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.