Десниот бек на Арсенал, Хектор Белерин, е шокиран од големата трагедија што се случи пред неколку дена, кога голем број жртви во Лондон ги загубија животите во пожарот што ја зафати кулата Гренфел.
Белерин, кој ќе биде еден од лидерите на Шпанија на претстојниот европски шампионат во Полска, објави дека ќе донира по 50 фунти за секоја одиграма минута на ова ЕП за младинци, а сите средства ќе заминат на сметката на здруженијата за помош на настраданите од оваа трагедија.
„За секоја минута што ќе играм на ЕВРО У21, ќе донирам по 50 фунти за помош на жртвите од „Гренфел тауер“. Ве молам, поддржете ја оваа акција“ – напиша Белерин на својот твитер-профил.
For every minute I play in #U21EURO I’ll donate £50 to help Grenfell Tower victims. Please support in any way ? https://t.co/CHbqgnlSum pic.twitter.com/TODwIkLwj1
— Héctor Bellerín (@HectorBellerin) June 17, 2017
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА