Ракометарите на Веспрем по катастрофата која му ја нанесоа на големиот ривал Пик Сегед во осминафиналниот двомеч во Лигата на шампионите, денеска му одржаа нова лекција совладувајќи го во финалето од купот на Унгарија со 32-35.
Во првото полувреме буквално не постоеја одбраните на теренот, а Веспрем тоа го искористи за на пауза да замине со предност од два гола 15-17. Веспрем во второто полувреме почна да го меле противникот, нешто слично како во Лигата на шампионите и на 12 минути до крајот да стигне и до големи плус шест 23-29.
До крајот избраниците на Момир Илиќ само го исконтролираа натпреварот за конечен триумф од 32-35 и нов јубилеен 30. трофеј во националниот куп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
