Ракометната Федерација на Македонија ги одреди казните по големите инциденти на вечното дерби меѓу Вардар и Еурофарм Пелистер, кое имаше подолг прекин поради хаосот создаден од двете навивачки групи во СЦ „Јане Сандански“.
По добиените изјави од страна на двата клуба, дисциплинската комисија донесе одлука и Вардар и Еурофарм Пелистер да платат идентична парична казна за однесувањето на своите навивачи, во висина од по 150.000 денари.
Воедно, Вардар е казнет и со суспензија на теренот на наредните две домашни средби на „црвено-црните“.
Сезоната во ракометниот плејоф продолжува со дербито што ќе се игра во Автокоманда, на мечот Алкалоид – Еурофарм Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
