Поранешниот македонски репрезентативец Ристo Јанков, е пред „кам-бек“ во македонскиот фудбал. Како што дознава ЕКИПА, Јанков е блиску да потпише со амбициозниот нов прволигаш Гостивар, и да брани за овој тим во идната сезона.
Јанков во изминатите година и пол имаше интернационална кариера, најпрво во Каспиј од Казахстан, а минатата сезона ја мина во Поли Јаши, со кој успеа да обезбеди учество во најдобрата лига на Романија.
Јанков во минатото беше поврзуван и со голот на Шкупи, меѓутоа до тој трансфер не дојде, а чаирскиот тим се одлучи за младинскиот репрезентативец Христијан Денковски. Меѓутоа преговорите со Гостивар се во напредна фаза, и големи се шансите новиот прволигаш да добие звучно име меѓу диреците.
Голманот беше дел од националниот тим на Македонија на ЕП 2020 година, како трет голман на екипата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
