Поранешниот македонски младински репрезентативец Ремзифаик Селмани не е повеќе дел од Партизани Тирана, и кариерата ќе ја продолжи во турскиот тим Бодрумспор.
Турскиот тим почна преговори за ангажман на напаѓачот, кој во минатото во странство играше и за Мезоковешд од Унгарија, Лапи од Косово и унгарски Ујпешт.
Пред неколку дена Селмани го раскина договорот со албанскиот клуб, но нема да чека долго за нов ангажман со оглед дека Бодрумспор веќе е во финална фаза на потпис на договорот. Тој во нападот на Бодрум ќе му се приклучи на екс репрезентативецот Адис Јаховиќ.
Во Македонија, Селмани играше за Ренова и Шкендија. Тој беше дел од младинските репрезентации, а за селекцијата до 21 година има пет настапи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
