Ракометарите на Србија триумфираа над Германија со 30-27 на Европското првенство забележувајќи значајна победа која го отвара патот до место во следната фаза.
Финишот на натпреварот го одбележа голема драма, но и голем пропуст на селекторот на Германија, Алфред Гисласон кој и „подари“ победа на Србија.
Имено, германскиот селектор во моментите кога Србија водеше со 26-25 побара тајм-аут буквално во истата секунда кога неговиот тим реализираше за изедначување од 26-26.
Судиите мораа да ја погледнат ситуацијата по што одлучија дека тајм-аутот е побаран непосредно пред топката да влезе во гол на големо разочарување на германските ракометари и навивачи.
„Нормално, тоа е моја грешка. Сакав да побарам тајм-аут. За жал го притиснав копчето дел од секундата порано. Тоа е моја вина“, изјави Гисласон по мечот.
Gislason… pic.twitter.com/MBAw1P1M5k
— Blank (@jrblanque) January 17, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
