Во првото коло од главната рунда на Европското првенство во ракомет, Германија ја победи Португалија со 32-30. Сепак, натпреварот доби свое „трето полувреме“ поради контроверзниот гол постигнат од Германците во последните пет секунди, иако еден од нивните играчи веќе беше пред португалскиот гол во моментот на изведување на топката од центар.
Португалците жестоко реагираа кај судиите по натпреварот, а набрзо ЕХФ се огласи и ја призна грешката. Европската ракометна федерација објасни што се случило.
„Во 59:55, германскиот играч број 54 имаше додавање по португалскиот гол. Проблемот се појави затоа што двајца германски играчи (број 5 и број 23) го преминаа центарот пред свирежот на судијата. После тоа, бројот 23 ја прими топката и постигна гол.“
ЕХФ додаде дека „правилната постапка“ би била да се повтори почетното фрлање, но дека, според нив, тоа нема да го промени поседот на топката. Тие исто така разјаснија зошто ситуацијата не може да се прегледа преку ВАР-технологијата, наведувајќи дека „оваа ситуација не спаѓа во категориите што можат да се прегледаат преку видео репродукција, бидејќи не е опфатена со нивната рамка „Ситуации што ја менуваат играта, како седум метри, исклучувања или одлуки што го менуваат поседот на топка“.
New rules @RasmusBoysen92 ???
Look how Germany scored the last goal against Portugal. @AndebolPortugal pic.twitter.com/sCZ8uVb7aG— Helder Marques Sousa (@HelderMSousa) January 22, 2026
Португалците стравуваат поради гол-разликата
Португалскиот тренер Пауло Хорхе Переира немаше сомнежи. Во изјава за медиумите, тој нагласи дека последниот гол на Германија бил „нерегуларен“ и изрази страв што најдобро ја опишува ситуацијата:
„Се надевам дека тоа на крај нема да се рефлектира на наша сметка во конечната разврска во групата“.
Иако ЕХФ тврди дека повторувањето на изведбата нема да го промени поседот, Португалците предупредуваат на она што често ги одлучува пласманите во таквите групи: гол-разликата. Во главната рунда од натпреварувањето, каде што сè се крши во неколку натпревари против најсилните противници, дури и еден примен гол може да стане проблем во последната рунда на пресметки, особено ако Португалија, Данска и Германија завршат со ист број бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
