Расте цената на Аријан Адеми по неговото одлично издание на синоќешниот натпревар за Динамо Загреб во 2. квалификациско коло за ЛШ во кој неговиот тим славеа убедливо со 5-0 против израелскиот шампион Хапоел Бер Шева.
Македонскиот репрезентативец учествуваше со два погодоци во триумфот. Но, за него тоа е најмалку важно…
„Апсолутно не се важни моите погодоци, но секако само победите на Динамо Загреб. Ако ме прашувате дали очекувавме вака убедлива победа, ќе ви кажам само дека напорно работевме и верувавме во своите квалитети. Но, не треба да има опуштање затоа што не чека уште еден натпревар. Треба да го потврдиме квалитетот и да покажаме дека овој тим знае што сака“ – вели Адеми.
По синоќешната претстава, сега цената за Адеми која ќе мора да ја плати Лил доколку го сака во своите редови расте.Французите претходно се согласиле да исплатат 5 милиони евра за македонскиот фудбалер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА