Аријан Адеми на најдобар можен начин покажува дека вреди многу повеќе од 3,8 милиони евра, колку што изнесуваше првата победа на француски Лил за негов ангажман во овој преоден рок.
Тој одигра одлично на средината од теренот во првото полувреме од мечот со Хапоел, за во вториот дел да блесне и на напаѓачки план, па набрзина да постигне два гола. По погодокот за 3-0 Адеми одлично се снајде и во 61. минута, кога втрча во шеснаесетникот, првиот удар му беше одбранет, но големиот борец се најде на вистинско место во вистинско време и зголеми на 4-0.
Динамо се наоѓа на чекор до следната фаза од квалификациите за ЛШ, а како што стојат работите Адеми нема да биде продаден додека „модрите“ имаат шанси за влез во групната фаза од елитното европско натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
