Динамо Загреб славеше на домашен терен над Осијек со 3-0 во дерби натпреварот од 34. коло во Првата фудбалска лига на Хрватска. Со оваа победа „модрите“ се доближија чекор до нова титула во шампоонатот бидејќи во последните две кола ќе им биде доволна само една победа.
Водство од 1-0 за тимот од главниот град на Хрватска донесе Мислав Оршиќ во 34. минута на асистенција на Бруно Петковиќ. На 2-0 зголеми Спикиќ во 60. минута, додека конечните 3-0 ги постави Менало во 81.минута. И Аријан Адеми и Стефан Ристовски беа стартери за својот тим. Адеми беше заменет во 84. минута, додека Ристовски го одигра целиот меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА