Македонскиот фудбалски репрезентативец Аријан Адеми му остана верен на Динамо Загреб. Клубот кој му помогна кога му беше најтешко во кариерата, при суспензијата, го доби потписот на Адеми и за следните пет сезони.
Капитенот на „модрите“ воопшто и не размислувал дали да ја продолжи соработката со хрватскиот првак.
„Пресреќен сум што потпишав и овој договор покажува колкава е љубовта меѓу мене и Динамо Загреб. Во ниту еден момент не размислував. Динамо беше со мене кога ми беше најтешко. Сакам повторно да влеземе во Лигата на шампионите и сакам и понатаму да освојувам титутли. Желби? Имаме многу. Да презимиме во Европа, тоа уште не сме го направиле. Едноставно, овој клуб ми помогна многу и сакам да му се оддолжам. Го сакам овој клуб“, изјави емотивно Аријан Адеми на прес – конференцијата.
Сериозна понуда за Адеми ова лето испрати францускиот Лил, но Динамо Загреб сепак успеа да го задржи во своите редови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА