Контроверзниот италијански фудбалер Марио Балотели најверојатно ќе заигра и во Бундес – лигата. По Калчото, Премиер – лигата, и францускиот шампионат, Балотели е на чекор да стане нов фудбалер на Борусија Дортмунд и следната сезона да ја помине во германското првенство.
Ова не е шега, и информацијата ја соопшти неговиот агент Мино Раиола.
„Да, Марио Балотели следната сезона ќе игра во Борусија Дортмунд“, изјави Раиола. Сепак, и тој е некогаш контроверзен, па медиумите овој негов став го земаат со мала резерва.
Марио Балотели е слободен фудбалер, откако истече неговиот едногодишен договор со францускиот клуб Ница. За него постои интерес и од Олимпик Марсеј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
