Капитенот на македонската фудбалска репрезентација, Горан Пандев, има понуда од Парма за следната сезона. Доколку Џенова испадне од елитата, Пандев би можел да ја промени средината и да го облече дресот на Парма која го посакува во тимот.
Џенова се вовлече во огромни проблеми со слабите резултати во завршницата од шампионатот и во пресрет на последното коло овој викенд се наоѓа во незавидна ситуација. Тимот на Пандев е на 18.позиција на табелата, во опасната зона, и в недела и гостува на Фиорентина, која исто така се уште не е сигурна за опстанокот. Надежта е дека ќе успее да остане непоразена, а Емполи ќе загуби на гостувањето кај Интер, кој се бори за пласман во Лигата на шампионите.
Парма со освоен 41 бод, го обезбеди опстанокот во Серија А пред последното коло во шампионатот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА