Пред големото дерби меѓу Барселона и Реал Мадрид, закажано за в недела на „Камп Ноу“, шпанските медиуми откриваат какво тактичко изненадување подготвува Жозе Мурињо. Португалскиот стручњак наводно одлучил да ја промени позицијата на Федерико Валверде, еден од најважните играчи на „кралскиот клуб“.
Според информациите од Шпанија, 27-годишниот Уругваец би можел третпат по ред да настапи како десен бек, иако тоа не е неговата природна позиција во тимот. Валверде ја одигра истата улога во победите против Севилја и Лајпциг, во кои Реал славеше со идентичен резултат од 4-1. Неговите настапи очигледно го убедија Мурињо дека тој е најдоброто решение за запирање на нападите на Барселона.
Ваквата одлука би значела дека Дензел Дамфрис и Трент Александер-Арнолд фудбалери за кои позицијата десен бек е примарна повторно ќе останат на клупата. Сепак, португалскиот тренер очигледно повеќе верува во разноврсноста на Валверде, неговата физичка подготвеност и способноста подеднакво да придонесе и во одбраната и во нападот.
По победата над Лајпциг, Мурињо не сакаше да ги открие своите планови. Кога новинар го праша дали Валверде ќе игра на десната страна од одбраната и против Барселона, тој избегна конкретен одговор. Само нагласи дека Уругваецот одиграл одличен натпревар и призна дека не му е лесно да остави двајца квалитетни десни бекови на клупата.
Доколку најавите на шпанските медиуми се покажат како точни, Валверде ќе има една од клучните улоги во тактичката замисла на Мурињо за „Ел Класико“. Претстојното дерби е од огромно значење во поглед на резултатите, со оглед на тоа што Барселона моментално има предност од шест бода пред својот најголем ривал. Евентуален пораз дополнително би ја усложнил борбата за шампионската титула за Реал, па затоа е јасно зошто Мурињо не сака ништо да препушти на случајноста.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
