Кошаркарите на Партизан по претходниот пораз од Фенербахче повторно се вратија на победите во Евролигата, триумфирајќи убедливо во 26. коло против Алба Берлин со 88-74.
На домашен паркет, црно-белите немаа милост за Германците сосема заслужено стигнувајќи до убедливиот триумф стекнат главно со феноменалната игра на Партизан во третата четвртина која ја доби со неверојатни 35-9. После тоа Алба секако не можеше да се врати во игра, и покрај тоа што германскиот тим се надеваше дека откако претходното коло ја совлада Црвена Звезда сега ќе може да го изненади и Партизан.
Извонреден во партизаниот состав беше Алекса Аврамовиќ со 19 поени, а со 16 поени заврши Кевин Пантер. Кај гостите единствено се издвои Ло со 17 поени и три асистенции.
Во вториот натпревар во вечерниот термин Монако славеше против Макаби Тел Авив со 86-67.
Партизан со овој триумф сега е со 14 победи, наспроти 12 порази, со 28 бода, на шестата позиција на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
