Јувентус вчерва ќе гостува на „Естадио де ла Серамика“ кај Виљареал во првиот осминафинален натпревар од Лигата на шампионите. Во пресрет на пресметката, Масимилијано Алегри повика на претпазливост и балансирана игра во Шпанија.
Тренерот на Јуве истакна дека неговиот тим секогаш оди на победа, но потенцираше и дека неговите фудбалери ќе имаат тешка задача против Виљареал.
„Секогаш одиме на победа, така ќе биде во Копа Италија и Лигата на шампионите. Дали пристапот ќе се промени откако се отстрани правилото за гол на гости? Сè уште не знам, но мора да размислуваме на резултатот. Ништо не е решено со Виљареал, тие се во одлична форма во моментов, исто како и ние. Имаат добар тренер и технички тим. Ова ќе биде многу тактички натпревар, каде што ќе мора да бидеме трпеливи и да се задржуваме, едноставно да балансираме“, изјави Алегри.
Пресметката во Шпанија е закажана за вечерва со почеток во 21.00 часот, реваншот во Торино ќе се одигра на 16 март.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
