Капитенот на Шкендија, Арменд Алими смета дека со поддршка од навивачите на утрешниот реванш дуел од првото квалификациско коло во ЛШ против естонски Номе Калју македонскиот шампион мора да дојде и до поубедлива победа.
„Нема лесни ривали во Европа, нема опуштање, ќе играме максимално сериозно, се подготвуваме за нова победа. Ќе треба да одиграме уште подобро, ќе ја имаме и поддршката од фановите на реваншот. Доминиравме на првиот меч, но треба да ја подобриме реализацијата за да славиме поубедлив триумф во Скопје“ – истакна Алими на прес-конференција пред утрешниот дуел.
Шкендија и Номе Калју реванш натпреварот од 1. квалификациско коло за ЛШ го играат утре од 17 часот на националната арена „Тодор Проевски“ во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
